சட்டம் தெரியாமல் உயிரைவிட்ட அப்பாவி மருமகள்

செய்தித்தாளில் வந்துள்ள செய்தி...

குடும்ப பிரச்னையில் குழந்தையுடன் கணவன், மனைவி தற்கொலை

தேனி:குடும்ப பிரச்னையில் குழந்தையுடன் கணவன், மனைவி தீ வைத்து தற்கொலை செய்து கொண்டனர். தேனி அல்லிநகரத்தை சேர்ந்த கோவிந்தராஜ் மகன் ரமேஷ் (32). இவருக்கும், மதுரை நரிமேடு பகுதியை சேர்ந்த குருசாமி மகள் முத்துலட்சுமிக்கும்(23) மூன்று ஆண்டுகளுக்கு முன் திருமணம் நடந்தது. இவர்களது மகன் கோவர்த்தனன்(2).பெட்ரோல் பங்க்கில் வேலை செய்து வந்த ரமேஷ், சில மாதங்களாக வேலைக்கு செல்லவில்லை.

இந்நிலையில், முத்துலட்சுமி, தனிக்குடித்தனம் செல்ல விரும்பினார். ரமேஷின் தாய் இந்திராணி(50), இதற்கு அனுமதிக்கவில்லை. இதனால் மாமியார், மருமகளிடையே பிரச்னை ஏற்பட்டது.தனிக் குடித்தனம் செல்வது குறித்து, நேற்று காலை 9 மணிக்கு, ரமேஷ் - முத்துலட்சுமி இடையே வாக்குவாதம் ஏற்பட்டது. வீட்டிற்குள் மகன் கோவர்த்தனனுடன் சென்ற இருவரும், கதவை பூட்டி, உடலில் மண்ணெண்ணெய் ஊற்றி தீ வைத்துக் கொண்டனர்.தீயில் கருகிய குழந்தை கோவர்த்தனன், சம்பவ இடத்திலேயே பலியானான். படுகாயமடைந்த ரமேஷ், முத்துலட்சுமி ஆகியோர், தேனி மருத்துவக் கல்லூரி மருத்துவமனையில் அனுமதிக்கப்பட்டு இறந்தனர். அல்லிநகரம் போலீசார் விசாரணை நடத்தி வருகின்றனர்.
#############################################

இது போல இனி மருமகள்கள் தங்களின் உயிரை மாய்த்துக்கொள்ளத் தேவையில்லை. இது போன்ற பிரச்சனைகளுக்காகவே அரசாங்கம் பல சிறப்புச் சட்டங்களை இயற்றியிருக்கிறது. அவற்றில் இந்திய தண்டனை சட்டம் பிரிவு 498A, வரதட்சணை தடுப்புச் சட்டம், குடும்ப வன்முறை தடுப்புச் சட்டம் போன்றவை குறிப்பிடத்தக்கவை. பிடிக்காத மாமியாரை விட்டு கணவரைப் பிரித்து தனிக்குடித்தனம் போகவேண்டுமா, அல்லது பிடிக்காத மாமியாரை வீட்டை விட்டு அனுப்ப வேண்டுமா இது போன்ற பல சிக்கலான குடும்பப் பிரச்சனைகளுக்கு எளிய வழியில் தீர்வு காண இந்த சட்டங்களை எப்படிப் பயன்படுத்தலாம் என்ற வழிமுறைகளை அடுத்த பதிவுகளில் காணலாம். இன்னும் பல குடும்பப்பிரச்சனைகளுக்கெல்லாம் சட்டப்பூர்வமாக எளிய வழியில் மருமகள்களுக்கு எந்தவித பாதிப்பும் இல்லாமல் இந்திய அரசு இயற்றியுள்ள இந்த சட்டங்களைப் பயன்படுத்தி எளிய தீர்வு காணலாம். இன்னும் சொல்லப்போனால் உங்கள் கணவரை உங்கள் கட்டுப்பாட்டில் வைத்துக்கொள்வதற்குக் கூட இந்த சட்டங்கள் மருமகள்களுக்கு உதவி செய்கின்றன. இந்த விஷயங்கலெல்லாம் எத்தனை மருமகள்களுக்குத் தெரியும்? இப்படி இந்திய சட்டங்களைப் பற்றிய விழிப்புணர்ச்சி எல்லா மருமகள்களுக்கும் இருப்பதில்லை. ஏனென்றால் இவற்றைப் பற்றி விளக்கமாக எடுத்துச்சொல்ல யாரும் முன்வருவதில்லை.
@@@@@@@@@@@@@@@@@@@@@@@@@@@@@@